Претседателот на УЕФА Александар Чеферин во разговор за „Глобо“ најави дека УЕФА сака да креира Лига на Нации во која ќе настапуваат и репрезентации од Јужна Америка.
Во иднина можеме да очекуваме дека Македонија ќе игра во Лигата на Нации против селекции како Бразил, Аргентина, Чиле, Колумбија… Тоа не е исклучено, а идејата ја потврдил и Чеферин, признавајќи дека тоа е „вистинска“ опција.
„После создавањето на Лигата на Нации нашите репрезентации не играат повеќе пријателски натпревари. Големите тимови не играат со Бразил, Аргентина, а тие ни кажуваат дека сакаат да играат. Тоа би било многу добро“, рече Чеферин.
Сличен аргумент во 2018 година изнесе и бразилскиот селектор Тите кој кажа дека за подобар Бразил, мора да игра пријателски натпревари со европски репрезентации.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
