Челси стигна до рутинска победа од 0-3 на гостувањето против Хадерсфилд на стартот од новата премиерлигашка сезона, меч што менаџерот Сари го стартуваше без Азар и Жиру, но сепак стигна до планираните три бода. Лондонскиот клуб триесетина минути се мачеше да ја наметне својата игра, но потоа до крајот на полувремето постигна два погодоци преку Канте и Жоргињо (од пенал), разрешувајќи ги дилемите околу победникот Конечните 0-3 ги постави Педро на асистенција на Азар, кој влезе во игра во второто полувреме.
Бурнемаут го совлада Кардиф со 2-0, меч на кој домаќините не реализираа и пенал, додека Фулам и покрај вложените 120 милиони фунти во нови фудбалери ја стартуваше сезоната со пораз од Кристал палас на домашен терен.
Резултати Англија:
Хадерсфилд – Челси 0-3, Фулам – Кристал палас 0-2, Бурнемаут – Кардиф 2-0, Ватфор – Брајтон 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
