Миши Батшуаји е на прагот да премине во редовите на Вулверхемптон како позајмен играч до крајот на сезоната, пренесуваат англиските медиуми. И покрај тоа што на Челси му недостасува напаѓач, Белгиецот не ја доби довербата на Томас Тухел па се наоѓа пред ново заминување од „Стемфорд Бриџ“.
Сега искусниот 28-годишник кога го засили Челси во 2016 година беше споредуван со Дидие Дрогба, но никогаш не ги исполни очекувањата. Последните две сезони ги помина во дресовите на Кристал Палас и Бешикташ, а 2018 година настапи и за Борусија Дортмунд.
Челси сеуште го бара вистинското засилување во нападот. Голема желба на Томас Тухел е Пјер Емерик Обамејанг со кој имаше беспрекорна соработка во Борусија Дортмунд, според последните информации веќе се започнати и преговори за трансфер со Барселона, но останува да видиме дали истиот ќе се реализира.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
