Челси не успеа да ги ангажира Дембеле, Рафиња или Серж Гнабри па погледот го насочи кон еден од најдобрите дриблери во Европа, Алан Сан-Максиман, пренесуваат англиските медиуми. Фудбалерот на Њукасл Јунајтед е голема желба на Томас Тухел, но за негов ангажман на „сините“ нема да им биде нималку лесно.
Како противник во преговорите го имаат Тотенхем, а ниту Њукасл не е расположен за продажба на Французинот на кој се гледа како еден од клучните фудбалери за новиот мега проект на саудискиот газда.
Дваесетипетгодишникот претходната сезона настапи на 26 натпревари во „црно-белиот“ дрес, а постигна три гола и забележа четири асистенции. Притоа тој јавно ги критикуваше своите соиграчи за неуспешноста неговите додавања да ги претворат во погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
