Претседателот на Атлетико Мадрид, Енрике Черезо, има причина за задоволство откако тројца фудбалери на овој клуб стигнаа до светската круна, Антоан Гризман и Лукас Хернандез како „староседелци“, како и новото засилување од Монако, Томас Лемар.
Првиот човек на „јорганџиите“ е особено горд на изданијата на Антоан Гризман, кој по титулата во Лигата на Европа се закити со најзначајниот можен пехар, што според Черезо е доволно за овој ас на крајот од годинава да дојде и до најголемото можно индивидуално признание – „Златната топка“.
„Среќни сме, имаме три шампиони. Мило ми е за тројцата, но најмногу за Гризман, кој играше фантастично цел Мундијал. Ако не му ја дадат „Златната топка“ за 2018, дефинитивно ќе барам ВАР бидејќи никој не ја заслужува повеќе од Гризман“ – истакна Черезо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
