Хрватска оствари фантастичен успех со освоениот сребрен медал на СП 2025, откако „коцкестите“ одиграа одличен мундијал, но немаа сили за сензација во финалето против незапирливата Данска.
Лино Червар сепак верува дека Хрватска можела да ги изненади скандинавските ракометари во неделното финале, доколку селекторот Сигурдсон малку ја прилагодел тактиката на противникот.
„Многу ми е мило што ракометот се врати дома, што повторно сме при самиот светски врв. Можевме ли да ја победиме Данска во финалето? Мислам дека можевме, ќе ви кажам и како… ако ја повторевме одбраната што ја игравме на СП 2023 против нив, кога ремизиравме 32-32. И тогаш игравме 5-1 во дефанзива, но напред беше Јелиниќ, а не Мамиќ. Не знам дали нашиот стручен штаб воопшто ја гледаше снимката од тој дуел, но тоа е можеби единствениот начин Данска да биде запрена. Секако, знаев дека Мамиќ ќе игра напред, го гледам многу пари во дресот на Лајпциг како добро се снаоѓа во таа ситуација. Според мене, со Јелиниќ можеби ќе беше поинаку… но, во секој случај, самото сребро е голем успех за хрватскиот ракомет“, изјави Лино Червар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
