Македонската репрезентација се закити со четири бронзени медали на Балканското првенство бокс кое изминативе денови се одржа во Албена, Бугарија.
Откако претходно Ален Рустемовски прв загуби во полуфиналната борба закитувајќи се со бронзата, и Дион Лена, Илхан Озмен и Арјан Исени загубија во полуфиналните пресметки па на крај освоија бронзен медал на балканскиот шампионат.
Најблиску до финале беше Арјан Исени кој загуби со поделена одлука на судиите од бугарскиот боксер Кристијан Николов. И двајцата прикажаа добра боксерска претстава која на крајот беше наградена со овации од публиката. Судиите пресудија за Бугаринот иако стручните лица присутни во Албена беа убедени во победата на македонскиот боксер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
