Вардар денеска го претстави и своето четврто засилување за новата сезона, потпишувајќи договор со 24-годишниот дефанзивец Алберт Алаведра, стандарден репрезентативец на селекцијата на Андора.
Алаведра потекнува од младинската академија на Еспањол, а во својата кариера меѓудругото настапувал за Алгесирас, Манреса, Бадалона, Приморје. За репрезентацијата на Андора засега има 26 настапи.
„Му посакуваме добредојде во најтрофејниот македонски фудбалски клуб, а до сите навивачи упатуваме апел, да се приклучат кон акцијата за купување на членски карти, бидејќи така директно го помагате функционирањето на клубот“, објави ФК Вардар.
„Црвено-црните“ денеска одиграа уште еден контролен натпревар на подготовките на Златибор, славејќи со 1-0 на дуелот со Смедерево. Стрелец на единствениот погодок беше Мицевски во 58. минута од натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
