Аргентинскиот репрезентативец Лионел Меси се најде на удар на навивачите на ПСЖ откако не се појави на тренинг во понеделникот.
Меси отпатува во Саудиска Арабија на промотивен состанок без дозвола од клубот, поради што е суспендиран на 15 дена и ќе ги пропушти следните два натпревари, додека медиумите во Франција објавија дека договорот нема да биде продолжен и дека играчот си заминува oд „Паркот на принцовите“ на крајот на сезоната.
И навивачите на ПСЖ го изразија своето незадоволство од односот на играчите кон ПСЖ. Многумина од нив во средата се собраа пред седиштето на клубот за вербално да го нападнат искусниот Аргентинец и јасно да му кажат дека неговиот престој во француската престолнина е завршен.
Се уште има луѓе во фудбалската средина на кои не им пречеше заминувањето на Меси на Блискиот Исток. Еден од нив е и новинарот од Шпанија, Кристобал Сорија, кој многу силно зборуваше за суспензијата на играчите и огорченоста на навивачите. Според него, Французите треба да му се заблагодарат на играчот што решил да го облече дресот на ПСЖ бидејќи неговите чорапи вредат повеќе од целиот клуб.
„Не сакам некој да ме разбере погрешно, но ќе бидам јасен. Менаџерите и навивачите на ПСЖ мора да го почитуваат Лео Меси. Неговите чорапи имаат повеќе историја од целиот ПСЖ. Сакаш да го казниш? Правете го она што го мислите, но треба да бидете благодарни до крајот на животот што Меси го носеше вашиот дрес и ги бранеше боите на вашиот клуб“, рече Сорија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
