Во претходните сезони, Наполи се истакнуваше со наоѓање играчи од помали области, кои потоа експлодираа и донесоа повеќекратна корист за клубот.
Важна улога во тој систем имаше Маурицио Микели, кој ќе го заврши вториот мандат во Неапол и наскоро ќе потпише договор со Арсенал.
Спортскиот директор Андреа Берта инсистираше на негово ангажирање, па ќе го преземе скаутинг-одделот кај „топчиите“.
Микели беше шеф на скаутинг тимот на Наполи од 2010 до 2015 година, а потоа повторно од 2018 година до сега. За време на неговиот престој во Неапол, тој откри играчи како што се Марек Хамшик, Ким и Квича Кварачелија, додека неговиот претходен период во Удинезе на сцената го претстави Сули Мунтари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
