Денеска Хрватска ќе игра против Германија на ракометниот турнир на олимписките игри во Париз. Хрватите не играат добро, додека Германците, пак, досега имаат две победи против Шведска и против Јапонија.
Селекторот Алфред Гисласон не го менуваше премногу тимот, освен што му се приклучи 20-годишниот Марко Гргиќ. Овој играч има корени од Хрватска, а неговиот татко Горан Гргиќ 26 пати го носел дресот на хрватската селекција. Марко е роден во Германија, а сега игра во Ејсенах, каде оваа сезона постигна 100 гола, и тоа не остана незабележано кај селекторот на Германија.
„Не верував дека ова вака се разви за само неколку месеци. Да играм за Германија ми е остварување на сонот“, рече Гргиќ.
„Ракометот ми е во крвта. И мојот татко и мојата мајка играа ракомет, но не ме присилуваа да играм ракомет. Немам емоции, смирен сум. Не се сеќавам дека Хрватска се распрашувала за мене. И претходно кажав дека сакам да играм за Германија. Не го ни зборувам хрвтскиот јазик, дел сум од Германија и сметам дека тука припаѓам. Тоа беше едноставна одлука“, кажа ракометарот на Германија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
