Македонската репрезентација денеска ги финишира подготовките за квалификациските натпревари за пласман на СП 2026 против Белгија (6. јуни, Скопје) и Казахстан (9. јуни, Астана).
Избраниците на Благоја Милевски утре од 20:45 часот на арената „Тодор Проески“ најпрво ги очекува дуелот со Белгија. Јасно е дека противникот е голем фаворит, но еден од најдобрите македонски фудбалери Дарко Чурлинов нагласува дека кога се игра во националниот дрес, секој поединец мора да биде на највисоко ниво.
„Знаеме дека Белгија е фаворит, но ние играме за Македонија и треба да ја претставиме нашата репрезентација на највисоко ниво. Имав добро сезона зад мене, и посакувам да ја заокружам со два одлични настапи и позитивни резултати и во репрезентативниот дрес, затоа што на тој начин ќе ја продолжиме битката за што повисок пласман во групата во квалификациите за СП“ – вели Чурлинов пред утрешниот дуел со Белгија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
