Македонскиот репрезентативец Дарко Чурлинов игра во фантастична форма оваа пролет во дресот на полската Јагелонија.
Нов гол за Чурлинов сезонава, откако викендов стрелаше и во полскиот шампионат за победа во дербито со Легија Варшава, сега во четвртфиналето од Конференциската лига на УЕФА.
Јагелонија на реваншот пред своите навивачи одигра 1-1 со шпански Бетис, што беше недоволно за пласман понатаму по онаа победа од 2-0 на Шпанците на домашен терен.
Чурлинов беше стрелец на единствениот гол за Јагелонија, и тоа во 81. минута, откако извонредено се снајде пред голот на гостите, крадејќи топка а потоа мајсторски погодувајќи со шут од 12 метри.
ГОЛОТ НА ДАРКО ЧУРЛИНОВ МОЖЕ ДА ГО ПОГЛЕДНЕТЕ НА СЛЕДНИОТ ЛИНК
Пласман во полуфиналето обезбеди и Фиорентина која ремизираше (2-2) во Фиренца со словенечки Целје, но оди во Топ 4 благодарение на гостинската победа од 1-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
