Далас ја прекина серијата порази, Шарлот победи после 10 меча (ВИДЕО)

  • Екипа
  • 08.01.2025 / 08:58
  • СПОДЕЛИ:

Шарлот Хорнетс на домашен терен го победија Феникс Санс со 115:104, прекинувајќи ја серијата од 10 последователни порази. Во мечот блескаше Ламело Бол кој мечот го заврши со 32 поени, и 10 скока, а на тоа додаде и 7 асистенции.

Лошо го почнаа мечот Хорентси, по првата четвртина губеа седум разлика, но затоа во втората целосно го демолираа противникот, и на полувреме заминаа со предност од 13 поени разлика, што беше клуч на победата, иако Феникс успеа да се врати и пред последниот период да намали само на 5 разлика. Сепак, се чини госите се истрошија и немаа сили за пресврт.
И Далас стави крај на серијата на порази. Иако без Дончиќ, Маверикс на свој паркет го совладаа тимот на ЛА Лејкерс. Во отсуство на Словенецот, Гримс и Вашингтон беа најефикасни со 23, односно 22 поени.
Лошиот почеток на мечот не навестуваше дека токму против Лејкерс, Далас ќе ја прекине серијата. Меѓутоа со одличната партија во втората, третата и четвртата четвртина, Маверикс успеаја да дојдат до убедлив триумф на крајот од 118-97.

НБА, РЕЗУЛТАТИ

Шарлот – Фeникс 115:104
Вашингтон – Хјустон 112:135
Далас – ЛА Лејкерс 118:97
Њу Орлеанс – Минесота 97:104
Јута – Атланта 121:124
Денвер – Бостон 106:118
Голден стејт – Мајами 98:114

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...