Додека во фудбалот и кошарката се знае, колкави се буџетите на клубовите, платите на играчите, во ракометот се уште не е презицно пресметано. Тешко е да се откријат платите на ракометарите бидејќи тие се на ниво на државна тајна. Сепак, последниве месеци почнуваат да се откриваат во Германија. Сумите скокнаа, пазарот експлодираше, но сумите се сепак мали во споредба не само со фудбалот, туку и со кошарката и одбојката.
На почетокот на месецот моментално најдобриот светски ракометар, магичниот Данец Матијас Гидсел ја продолжи соработката со Фиксе Берлин до 2029 година, а германските медиуми шпекулираа дека добил драстично зголемување и сега заработува 50.000 евра месечно. За ракометот – голема бројка, но во споредба со фудбалот и кошарката, сепак е смешно за некој што е најдобар во својот спорт.
На делба на првото место е одличниот германски голман Андреас Волф, кој исто така заработува 50.000 евра месечно. Зад него е пивотменот на Фленсбург, Јоханес Гола со 32.000 евра, а зад него е десното крило на Мелсунген, Тимо Кастенинг со нешто повеќе од 30.000 евра. Магичната бројка од 50.000 евра месечно се шпекулира дека да ја има и капитенот на Барселона, Дик Мем, но тоа не е потврдено. Најдобриот голман на денешницата Емил Нилсен предизвика земјотрес кога на почетокот на годината одби да го продолжи договорот со Барселона и реши да се пресели во Веспрем летото 2026 година, кога му истекува договорот со Каталонците. Сигурно тогаш Нилсен ќе ја прескокне магичната бројка од 50.000 евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
