Интер си обезбеди место во финалето од Суперкупот на Италија откако триумфираше со 2-0 во полуфиналната пресметка против Аталанта, и тоа благодарение на двата погодоци на Дензел Дамфрис.
Холандскиот репрезентативец имаше одличен меч овозможувајќи му на својот тим да го брани трофејот во ова натпреварување.
„Многу сум среќен по победата. Го контролиравме и првото полувреме, но сепак клучот беше во одличната игра во вториот дел. Среќен сум што помогнав со два гола. Играме навистина добро, но мора да се фокусираме на тоа да бидаме еднакво добри на секој следен натпревар. Мора вака да продолжиме, затоа што посакуваме титули“ – изјави Дамфрис по полуфиналето.
Во финалето од италијанскиот Суперкуп, Интер ќе игра против подобриот од втората полуфинална пресметка меѓу Милан и Јувентус која се игра вечерва од 20 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
