Дани Алвеш најави дека кариерата ќе ја заврши во Бока јуниорс воден од желбата да стави точка на фудбалот во Аргентина.
Славното име на Барселона вели дека Бока е идеален клуб за крај на неговата кариера.
„Сакам да се пензионирам во Бока. Сите знаат дека многу го сакам тимот на Бока јуниорс, но тоа не е затоа што многумина во Латинска Америка го обожаваат овој клуб, туку затоа што забележувам дека се толку поразлични од сите други. Тие те дефинираат како играч“ – вели Алвеш нагласувајќи дека е голем навивач на Бока уште од мал:
„Бев на Ла Бомбониера, во храмот на светскиот фудбал. Тоа е нешто неверојатно. Едноставно не може а да не навивате за Бока“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА