Бразилскиот интернационалец Дани Алвеш денеска беше презентиран како најново засилување на францускиот клуб Пари Сен Жермен. Иако имаше најави дека ќе се пресели во Премиер – лигата и ќе го носи дресот на Манчестер сити, сепак, десниот бек пристигна во Париз.
„Дојдов во ПСЖ за да ја освоиме Лигата на шампионите. Ова е навистина реномиран клуб, со проект кој воодушевува. Две сезони ме поврзуваа со трансфер во ПСЖ, а ова лето се случи – трета среќа. Му благодарам и на Максвел, кој ме убеди да дојдам во Париз. Се надевам дека ќе имаме заедно многу среќни моменти. Јас имам уште многу да му дадам на фудбалот, се чувствувам многу млад кога е фудбалот во прашање“, изјави Дани Алвеш.
Бразилецот потпиша двегодишен договор со ПСЖ, до јуни 2019 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
