Ракометната репрезентација на Данска е првиот полуфиналист на женскиот турнир на Летните олимписки игри во Париз.
Данска во првото четвтртфинале рано утринава славеше над репрезентацијата на Холандија со 29-25 Холанѓанките подобро го отворија натпреварот и во еден момент имаа и плус четири 3-7. Сепак, како одминуваше првиот дел Данска играше се подобро па на пауза замина со позитива од минимални 11-10.
Во вториот дел Данска заигра далеку подобро и на крајот без поголеми проблеми славеше со 29-25. Мете Хансен и Фрис со по шест гола беа први имиња во таборот на победникот, додека кај поразените Ветеринг постигна седум гола.
Во полуфиналето Данска за противник ќе го има подобриот од дуелот меѓу Норвешка и Бразил.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
