Енис Барди е актуелен на европската фудбалска сцена откако македонскиот ас стана достапен за трансфер од Трабзонспор, па турскиот прволигаш дури и даде зелено светло за негово заминување на позајмица од клубот.
Неколку шпански прволигаш веќе испратија понуди до Барди и до Трабзон, екипи од Италија исто така се заинтересирани, а од денеска во трката по македонскиот плејмејкер се вклучи и Брондби. Данскиот гигант е во потрага по инвентивен играч за врска кој би ги разиграл напаѓачите, услови што Барди без никаков проблем ги задоволува, па челниците на Брондби веќе стапиле во контакт со Трабзон во обид да постигнат договор и да го донесат македонскиот интернационалец во своите редови.
Брондби важи за еден од најтрофејните дански клубови, со единаесет шампионски титули во оваа земја од кои последната ја освои во 2021 година.
За овој клуб пред неколку сезони настапуваше Ферхан Хасани, па Барди сега би можел да стане вториот македонски репрезентативец што би го облекол дресот на Брондби.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
