Ракометарите на Данска продолжуваат со одличните партии на стартот на ракометниот турнир на Летните олимписки игри во Париз. По воведните две лесни победи Данците вечерва без поголеми проблеми славеа и против Аргентина со 38-27.
Актуелниот светски шампион подобро го отвори натпреварот и веќе по триесет минути игра имаше солидни пет разлика 19-14. Во вториот дел избраниците на Јакобсен само рутински го приведоа мечот за конечни 38-27.
Матиас Гидсел со 13 гола повторно беше најдобар поединец кај Данците, додека кај поразените Пабло Симоне, Пизаро и Паркер постигнаа по пет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
