Најдобриот македонски атлетичар Дарио Ивановски го освои последното место на трката на 3000 метри на Европското првенство во сала кое се одржува во Истанбул, Турција. Тој делницата во првото полуфинале ја помина со време од 8:17.93 минути што беше убедливо најлош резултат во квалификациите.
Македонецот на стартот на трката го презеде водството и го држеше темпото. Како одминуваше трката фаворитите избрија во преден план, па нашиот најдобар атлетичар не можеше да го прати нивниот чекор и на крајот заврши како последен во својата група.
Инаку Ивановски истрча скоро дваесет секунди поспоро од неговиот најдобар резултат и национален рекорд на Македонија 7:58.48 минути кој го постави токму во Турција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
