Дарио Ивановски, атлетичарот на АК Работнички, го освои второто место на престижниот Бели крос кој по 51. пат се одржа во Белград изминатиов викенд. Се трчаше на 6.000 метри и Дарио постигна резултат од 18:44.1 минути. Прв беше Јан Кокаљ од Словенија (18:39.6 минути), а третото место му припадна на Ласло Грегор од Унгарија (18:54.5 минути).
Покрај Дарио Ивановски, на овој крос земаа учество и уште неколку други македонски натпреварувачи, тоа се Милош Ранчиќ (АК Скок) – 7. место, Игор Јакимовски (АК Работнички) – 17. место, Стефан Милановски (АК Работнички) – 21. место.
Во јуниорската трка настапија и Дамјан Ангеловски (5. место) и Дамјан Јакимовски (7. место).
Во следниот период Дарио Ивановски го очекуваат и два важни меѓународни настапи на атлетски натпревари во сала, тоа е Балканското првенство во Истанбул (17. февруари) и Светското првенство во Бирмингем (1-4 март). На овие две натпреварувања Дарио ќе настапи во дисциплината 1500 метри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
