Македонскиот репрезентативен стопер Дарко Велковски, во новата сезона би можел да настапува во Турција. Како што дознава ЕКИПА, Хатајспор силно го посакува дефанзивецот кој во моментов е слободен агент, откако го напушти тимот на Динамо Букурешт.
Турските клубови добро го познаваат Велковски. Овој клуб беше заинтересиран за играчот и лани, кога македонскиот интернационалец остана без клуб по напуштањето на Ал Етиак, но тогаш не до договор не дојде. Исто така имаше и заинтересираност и од Анкарагучи, а на крајот Велковски после шест месеци без клуб, му се приклучи на Динамо Букурешт во јануарскиот преоден рок.
Велковски во минатото играше и за Ријека, беше дел и од Вардар и Работнички. После долга пауза, се врати и во националниот тим, за кој има одиграно 51 натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
