Селекторот на шпанската фудбалска репрезентација Луис де ла Фуенте го продолжи договорот со националниот тим до 2026 година.
Веста официјално ја потврди и Фудбалската федерација на таа земја (РФЕФ).
„РФЕФ го информираше националниот селектор за продолжување на соработката, како и за продолжување на соработката со неговиот стручен штаб“, се вели во соопштението на шпанската федерација.
Де ла Фуенте е на кормилото на Шпанија од декември 2022 година, кога по Светското првенство во Катар ја презеде функцијата по заминувањето на Луис Енрике. Со Де ла Фуенте на чело, Шпанија ја освои Лигата на нации во 2023 година, а потоа се пласираше на Европското првенство во Германија, кое започнува на 14. јуни.
На завршниот турнир во Германија, Шпанија ќе игра во групата Б, со Италија, Хрватска и Албанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
