Шпанската фудбалска федерација го продолжи договорот со селекторот на машката репрезентација Луис де ла Фуенте за уште две години, до крајот на Европското првенство во 2028 година.
„Де ла Фуенте ќе ја предводи машката репрезентација до крајот на Европското првенство во 2028 година, кое ќе се одржи во Обединетото Кралство и Ирска“, се вели во соопштението на Федерацијата.
Стариот договор на Де ла Фуенте истекуваше во 2026 година, по Светското првенство во САД, Мексико и Канада.
Репрезентацијата ја презеде од Луис Енрике во декември 2022 година, по елиминацијата на Шпанија во осминафиналето на Светското првенство во Катар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
