Најтрофејниот македонски клуб Вардар конечно дојде до победа, триумфирајќи со 3-2 Шкупи во 14. коло од Првата македонска фудбалска лига, на дебито на клупата на новиот тренер Гоце Седлоски.
Шкендија во голеадата во Тетово ја победи Беса со 4-3, а Струга ТЛ му нанесе пораз на лидерот Работнички победувајќи со 1-0.
Вардарци до победата дојдоа со пресврт откако имаа негатива со чаирчани на стартот на дуелот, но потоа со головите на Закариќ во 31. минута, и на Николовски во 40. минута заслужено дојдоа до пресврт-предност…. Во второто полувреме трите бода ги донесе капитенот Дарко Мицевски со голот во 83. минута од средбата.
Претходно Шкупи поведе со голот на Јумеми Канда уште во 10. минута…
Во второто полувреме најпрво Ибиши израмни за Шкупи на 2-2, но Мицевски во 83.минута постигна гол за победа на „вардарци“ од 3-2.
Силекс триумфираше со 1-0 против Пелистер благодарение на голот уште во 5. минута од натпреварот на Дарко Додев, кој постигна вистински евро-гол со шут од 18 метри откосо, погодувајќи во горниот лев агол од голот на „пелистерци“.
Струга ТЛ славеше со 1-0 против Работнички благодарение на голот на Кехинде во 33. минута од натпреварот.
И Шкендија триумфираше со 4-3 против АП Брера, во голеадата во Тетово. Шала донесе водство за тетовци во 13. минута, потоа Рамадани во 27. минута зголеми на 2-0, но Ристовски со феноменален погодок пред крајот на полувремето успеа да намали на 2-1.
Во второто полувреме, Адеми и Крстевски погодија за Шкендија за победа од 4-3, откако Ивковиќ погоди за гостите.
Гостивар убедливо со 4-0 победи против Воска Спорт, а немаше голови на дуелот во Кавадарци меѓу Тиквеш и Беса.
ПРВА ЛИГА – 14. КОЛО
Скопје: ВАРДАР – ШКУПИ 3-2
Закариќ 31′, Николовски 40′, Мицевски 83’ – Канда 10′, Ибиши 76’
Тетово: ШКЕНДИЈА – АП БРЕРА 4-3
Шала 13′, Рамадани 27’, Адеми 53’, Крстевски 66’ – Ристовски 42′, Ивковиќ 51’, 77′(п)
Кратово: СИЛЕКС – ПЕЛИСТЕР 1-0
Додев 5′
Струга: СТРУГА ТЛ – РАБОТНИЧКИ 1-0
Кехинде 33′
Кавадарци: ТИКВЕШ – БЕСА 0-0
Скопје: ГОСТИВАР -ВОСКА СПОРТ 4-0
Алдаир 53’, Диата 82′, Симоновски 85′, 89′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
