Енис Барди имаше деби од соништата во дресот на Леванте, откако веќе на првиот натпревар македонскиот ас го постигна и премиерниот погодок за својот нов клуб.
Шпанскиот прволигаш вечерва игра пријателски натпревар против Ла Нусија, па иако ривалот не е од највисок калибар Барди сепак покажа дека ќе претставува големо засилување за Леванте во новата сезона. Тој беше меѓу најдобрите поединци на теренот, а по еден извонреден шут што голманот со крајни напори му го одбрани во 65. минута, Македонецот потоа се запиша и меѓу стрелците, со удар со глава зголемувајќи на 4-0 за својот тим.
Веднаш по погодокот тренерот на Леванте го повлече македонскиот плејмејкер од игра, но првиот впечаток е одличен, а за очекување е Барди да игра уште подобро штом се адаптира на новата средина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
