Неколку клубови од Премиер лигата се заинтересирани за дефанзивецот на Борнмаут, Дин Хујсен, пренесуваат британските медиуми. 20-годишниот шпански репрезентативец оваа сезона забележа 26 настапи во Премиер лигата.
Ливерпул, Челзи, Арсенал, Њукасл и Тотенхем веќе одржаа прелиминарни разговори со агентите на играчот. Сметките на заинтересираните тимови може да ги „помати“ и Реал Мадрид, кој сериозно се интересира за стоперот, кој гледа замена за Давид Алаба кој е далеку од форма и најверојатно ќе си замине, а со него, Рудигер, Милитао и Асенсио, Флорентино Перез сака да ја формира една од најдобрите стоперски четворки во светот.
Исто така за него има интерес и од Баерн Минхен. Самата желба на Хујсен е да остане во Премиерлигата, па тоа ја олеснува задачата на заинтересираните клубови од Англија, иако не е исклучена можноста на крајот да заврши на „Сантијаго Бернабе“.
Откупната клаузула изнесува 50 милиони фунти, а Борнмут најверојатно ќе го пушти на крајот на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
