Лос Анџелес Лејкерс стигнаа до важна победа во битката за плеј-ин во НБА лигата откако славеа на домашен терен со 113-105 против Голден Стејт. Неизвесниот натпревар беше решен во последните минути од средбата, а пресуди мирната рака на домашните кошаркари од линијата за слободни фрлања.
Со 39 поени, 8 скока и 6 асистенции лидер на тимот од Лос Анџелес беше Дејвис, додека него го следеше Ривс со 16 поени и 8 асистенции. Кари се врати на теренот по пауза од еден месец, а со 27 поени и 6 скока беше лидер на Голден Стејт. Томпсон додаде 22 поени и 5 скока.
Портланд стигна до 30. победа во сезоната откако предводен од Дамиен Лилард и неговите 41 поен и 9 скока славеше со 119-122 на гостувањето кај Орландо.
Несекојдневен трипл-дабл учинок забележа Јанис Адетокумпо кој во победата на Милвоки од 111-117 кај Вашингтон забележа 23 поени, 10 скока и 13 асистенции, но до истиот дојде во последните секунди откако самиот си ја нафрли топката за двоцифрениот скок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
