Претседателот на ФФМ, Масар Омерагиќ во “Куќа на фудбалот” оствари средба со највисокото раководство на ФК Црвена Звезда, предводено од Звездан Терзиќ и Светозар Мијаиловиќ.
Првиот човек на македонскиот фудбал изрази благодарност за поддршката и благородниот гест што клубот го даде за настраданите во неодамнешната несреќа во Кочани, истакнувајќи ја важноста на хуманитарниот натпревар што се одигра во Скопје помеѓу Вардар и Црвена Звезда.
„Црвена Звезда не е само спортски гигант, туку и модел на организација и професионализам кој треба да се следи. Доколку сакаме македонскиот фудбал да се доближи до европските стандарди, мора да учиме од најдобрите во регионот и да градиме партнерства. Пријателските односи се од клучно значење за иднината на нашиот фудбал.“, рече Омерагиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
