Со фуриозна игра во решавачкиот, седми натпревар од серијата против Лос Анџелес Клиперс (120:101), кошаркарите на Денвер Нагетс обезбедија пласман во полуфиналето на Западната конференција, каде што ги очекува нов предизвик – тимот на Оклахома Сити Тандер.
Тимот на Мајкл Малоун доминираше речиси во текот на целиот натпревар. Иако Клиперси добро отворија, Нагетсите ја презедоа контролата врз играта на почетокот на второто полувреме и не ја испуштија контролата до крајот. Разликата растеше од минута во минута и во еден момент дури достигна и +35. На крајот, гостите од ЛА успеаја само минимално да го ублажат поразот.
Надежите на Лос Анџелес Клиперс за пласман во втората рунда од плејофот на Западната конференција на НБА траеја малку повеќе од 15 минути. Денвер ги доби втората и третата четвртина со 32 поени разлика, добивајќи го натпреварот.
Кристијан Браун и Арон Гордон одиграа добро за Денвер, постигнувајќи 21 и 22 поени, соодветно, како и Расел Вестбрук со 16 поени. Јокиќ постигна 16 поени, притоа имаше и 10 скока и 8 асистенции.
Плејофот на Денвер продолжува во понеделник навечер со првиот натпревар против Оклахома
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
