Ракометарите на Е. Пелистер триумфално ја завршија оваа календарска година, откако во последниот меч во декемвриската програма како гости го совладаа тимот на Пролет со 23-37. Битолчани одиграа квалитетен меч во кој целосно го контролираа резултатот, освојувајќи заслужени бодови со кои остануваат во трката за првото место во Супер-лигата пред почетокот на плејофот.
„Пелистерци“ одлично го отворија мечот, експресно поведувајќи со 2-7, потоа и со 5-13. Пролет успеа да се консолидира и со серија од пет гола да намали на 10-13, но тоа беше се што домашниот тим успеа да стори на овој натпревар. На одмор се замина со водство на Пелистер од 13-17, по што битолчани целосно ја презедоа контролата во вториот дел. Првото двоцифрено водство го имаа при 18-28, за на крајот да слават со конечните 23-37.
Ненад Костески одигра одличен натпревар со десет гола потсетувајќи на формата од пред повредата, по шест гола за Пелистер постигнаа Кузманоски и Павле Атанасијевиќ, додека прв стрелец на Пролет беше Андоновски со пет погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
