Селекторот на француската репрезрнтација, Дидие Дешамп, го објави списокот за претстојните квалификациски дуели против Бугарија и Белорусија за Светското првенство кое ќе се одржи во Русија следната година.
Во националниот состав се вратија Рафаел Варан, Димитри Паје и Муса Сисоко, фудбалерите кои отсуствуваа од средбите со репрезентациите на Холандија и на Луксембург. За „триколорите“ најважен е мечот против националниот состав на Бугарија, по кој со евентуална победа ќе го обезбедат пласманот во групната фаза од Мундијалот. Средбата е закажана на 7. октомври, додека со репрезентацијата на Белорусија ќе се одигра три дена подоцна, односно на 10. октомври.
Од претходната квалификациска сесија недостасуваат Пол Погба, Набил Фекир и Курт Зума.
Голмани – Алфонс Ареола (ПСЖ), Стив Манданда (Олимпик Марсеј), Хуго Љори (Тотенхем)
Одбрана – Лука Дињ (Барселона), Кристоф Жале (Ница), Преснел Кимпембе (ПСЖ), Лоран Кошчелни (Арсенал), Левин Курзава (ПСЖ), Џибрил Сидибе (Монако), Самуел Умтити (Барселона), Рафаел Варан (Реал Мадрид)
Средина – Нголо Канте (Челси), Блес Матуиди (Јувентус), Адриен Рабио (ПСЖ), Муса Сисоко (Тотенхем), Корентин Толисо (Баерн Минхен)
Напад – Кингсли Коман (Баерн Минхен), Оливие Жиру (Арсенал), Антоан Гризман (Атлетико Мадрид), Килијан Мбапе (ПСЖ), Александре Лаказет (Арсенал), Томас Лемар (Монако), Флоран Тован (Олимпик Марсеј), Димитри Паје (Олимпик Марсеј)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
