Репрезентацијата на Франција вчера доживеа шок за време на тренингот, откако остана без услугите на својот напаѓач Кристофер Нкунку. Играчот на Лајпциг го повреди коленото по еден старт од Камавинга, и за него сонот за Мундијал заврши уште пред да почне истиот.
ФИФА им дозволи на Французите да повикаат нов играч на негово место, откако ја прегледаа целата документација околу повредата, а селекторот Дидие Дешамп изненади со изборот на новиот играч.
Дешамп се реши да го повика Рандал Коло Муани од Ајнтрахт Франкфурт. Муани оваа сезона пристигна во Ајнтрахт од Нант, и одлично се снајде. Во 14 настапи постигна пет гола и запиша дури 10 асистенции.
Во Катар не отпатуваа Муса Диаби, Висам Бен Једер и Џонатан Клаус, но Дешамп се реши да не повика ниту еден од овие, туку играчот на Ајнтрахт што преставува големо изнанедување во француската јавност.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
