Селекторот на Франција, Дидие Дешамп даде интересна изјава во врска со првата ѕвезда на француската репрезентација Килијан Мбапе, отфрлајќи ги пишувањата дека тој е себичен и дека е индивидуалист.
Дешамп рече дека Мбапе не трча многу на натпреварите, но дека тоа го надоместува со некои други квалитети и способности.
„Мбапе е прикажан како многу себичен играч и индивидуалист. Тој е напаѓач, и би било нелогично да нема некоја доза на себичност. Сепак, откако стана капитен, неговиот збор има многу тежина кај целата селекција. Ако сакате да го критикувате и да кажете дека не трча многу, тогаш не очекувајте од него да истрча 11 километри на натпревар. Од друга страна има многу други квалитети кои се важни и одлучувачки“, рече францускиот селектор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
