Дефанзивецот на Вест Хем Курт Зума, нема да биде повикан во репрезентацијата на Франција од селекторот Дидие Дешамп за мартовските натпревари. Причината е скандалозното видео на кое се гледа како Зума шутира мачки.
Селекторот Дешамп наводно бил лут и разочаран од однесувањето на Зума, поради што нема да го повика стоперот за пријателските натпревари против Јужна Африка и Брегот на Слоновата коска.
Зума има одиграно 11 меча во репрезентацијата на Франција, а последен пат беше повикан во ноември 2021 година. Останува да се види дали и Вест Хем ќе превземе чекори и нема да смета на Зума за следните натпревари поради овој скандал кој ја згрози јавноста.
На Зума поради овој скандал му се заканува дури и казна затвор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА