ЕКИПА во Љубљана,
Катерина Павлова Николовска, Никола Ѓуровски
Со пораз од Финска, со многу пристојно издание, но со вообичаената непостојаност во играта и стандардните гршки во сегментите во кои и секогаш најмногу грешат. Вака македонските одбојкарски репрезентативци го отворија дебитантскиот настап на Европското првенство во Љубљана.
Следен предизвик е Турција, селекцијата која секако ја сметавме за посилен ривал од Финците, а Турците дополнително ја подобрија сликата за нив со освоениот сет против големиот фаворит Русија во почетното коло.
„И пред да почне Европското првенство, најавувавме дека Турција е поквалитетна и од Финска па и многу подобра од нас. Според она што го видовме, Турците делуваат моќно. Ние треба да дадеме се од себе и да се надеваме на лош ден на Турците“ – вели Филип Деспотовски пред мечот со Турција.
Македонската репрезентација пртив Турција досега има одиграно два натпревара, во Европската лига во 2014 година. На двете средби победи и тоа сигурни забележа нашиот тим, еднаш од 3-0 и на вториот меч со 3-1.
„Ние мислевме дека сите ќе ги победиме, ама треба тоа на терен да се покаже. Ние мислиме дека Турција ќе ја победиме, ама така мислевме и за зфинска. Залудно играме добро кога паѓаме на ситници“– порачува Дарко Ангеловски.
Турција има беспрекорен биланс од настапот во Златната Европска лига каде што забележа девет победи и ја освои, потоа има четири последовни порази, три на Челенџер Куп и еден на пријателски дуел со Австрија која потоа и ја победи на вториот тест непосредно пред ова првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
