Фудбалската федерација на Македонија од денеска е домаќин на УЕФА развојниот турнир за девојки до 15 години, на кој покрај Македонија учествуваат и селекциите на Косово, Романија и Чешка.
На првиот натпреварувачки ден македонската селекција за девојки до 15 години го совлада Косово со 4-0. Стрелци за македонската репрезентација беа Теона Галабовска која ги постигна првите два гола и Настасја Настова која го зголеми водството на 3-0 и потоа на 4-0.
На вториот натпревар Чешка беше подобра од Романија, со идентичен резултат 4-0.
На списокот на селекторот Јовица Блажески за настап на овој турнир беа повикани следните фудбалерки:
Голмани: Ангела Блажева, Ања Петрушевска
Одбрана: Александра Ристевска, Јована Јованоска, Искра Смилевска, Мила Стојановска, Тамара Нешковска, Михаела Марковска
Среден ред: Теодора Настова, Канита Емини, Теона Галабовска, Ева Величковска, Мила Панева, Сара Атанасовска, Јована Петровска
Напад: Тајна Грозданоска, Меланија Грозданова, Андреа Коловска, Антонија Спиркоска
РАСПОРЕД НА НАТПРЕВАРИТЕ НА РАЗВОЈНИОТ ТУРНИР:
Македонија – Романија – 19.10.2022 г. (среда) – 12.00 часот / ФФМ Тренинг Центар
Косово – Чешка – 19.10.2022 г. (среда) – 12.00 часот / Стадион Маџари
Македонија – Чешка – 22.10.2022 г. (сабота) / ФФМ Тренинг Центар
Косово – Романија – 22.10.2022 г. (сабота) / Стадион Маџари
Влезот на стадионите е бесплатен.
Сите натпревари можете да ги проследите во живо на ТВ платформата на ФФМ: tv.ffm.mk
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
