Младинската женска репрезентација на Македонија убедливо триумфираше против соодветната селекција на САД со 36-17 на турнирот „Четири нации“ кој се одржува во унгарскиот град Дабас.
Избраничките на Јулијана Дамчевска, по претходните два порази, кога убедливо загубија од домаќинот со 44-18, како и од Холандија со 26-21, сега беа далеку подобри од Американките сосема заслужено славејќи со 19 гола разлика.
Првото полувреме Македонија го доби со 12-8, за да целосната доминација во вториот дел резултираше со конечни 36-17.
Овој турнир беше дел од подготовките за настапот на Европското првенство во Романија кое ќе се одржи од 6. до 16. јули во Романија. Македонија е во група со Данска, Чешка и Црна Гора.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
