Кошаркарот на Бостон Селтикс Џејлен Браун беше подложен на артроскопска операција на десното колено.
Селтикс очекуваат крилото целосно да се опорави пред почетокот на тренинг кампот – односно тимските подготовки за стартот на следната сезона.
Браун имаше болки од крајот на регуларниот дел од сезоната. Потоа пропушти неколку натпревари, а играше на сите натпревари во плеј-офот.
По подетални прегледи беше одлучено дека најдобро решение за Браун ќе биде операција. Првичната дијагноза е делумно кинење на менискусот.
Селтикс го завршија плејофот со елиминација во второто коло од плејофот на Истокот од Њујорк Никс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
