Фенербахче загуби од Лудогорец со 2-0 во четврото коло од групната фаза во Конференциската лига што наиде на големи критики во јавноста во Турција. Многумина го крикитуваат незалагањето на фудблаерите против бугарскиот тим, но според еден од најискусните во тимот, Един Џеко проблемот е во тренерот, пренесуваат тамошните медиуми.
Џеко незадоволството од тренерот Исмаил Картал го изразил и на раководството на клубот со став дека е потребен тренер кој може да се справи со големиот број на интернационалнци во тимот така што ќе говори повеќе јазици за полесна комунцикација со фудбалерите.
Во Фенербахче оваа сезона има фудбалери со босанско, хрватско, српско, турско, ганско, бразилско, француско, холандско, англиско, португалско, норвешко, словенско и полско државајнство што очигледно во очите на 37-годишниот капитен со богато искуство од најсилните европски првенства е голем проблем.
И покрај проблемите Фенербахче во моментот е на делба на првото место во турското првенство со Галатасарај, а е и прв во групната фаза во Конференциската лига со девет бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
