Един Џеко со два гола во мрежата на Викторија Плзен го предводеше Интер до нокаут-фазата од Лигата на Шампиони. Босанскиот репрезентативец стрелаше во 42. и 66. минута, а по одличниот натпревар го доби и признанието за играч на мечот.
Искусниот голгетер по завршувањето на истиот говореше за тоа каде ќе ја продолжи кариерата, а и покрај тоа што вели дека е прерано за одлука, можно е го замени дресот на „нероаѕурите“.
„Освен во првите 10, 15 минути мислам дека одигравме многу добро. Правам се што можам да му помогнам на тимот, тоа е моја должност. Некогаш тоа е одлично, некогаш е многу тешко, но секогаш се трудам да дадам се од себе па дури и на 36 годишна возраст“, вели Џеко кој потоа се осврна и на продолжување на соработката.
„Не верувам дека сега ќе започнам со преговори, сеуште е рано. Се чувствувам добро и знам дека можам да играм на врвно ниво. Ќе видам дали ќе ја продолжам кариерата во Интер или во друг клуб“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
