Центарот на Филаделфија 76, Џоел Ембид, ќе пропушти минимум три натпревари поради фрактура на синус предизвикана од удар од бекот на Индијана Пејсерс, Бенедикт Матурин.
Тоа значи дека 30-годишниот американски репрезентативец со камерунски корени и со француско државјанство нема да му биде на располагање на тренерот Ник Нурс на минимум следните три натпревари. Нова контрола ќе има во понеделник кога ќе се дознае дали ќе биде потребно ново мирување.
Ембид веќе пропушти 17 натпревари во НБА оваа сезона и во септември потпиша нов тригодишен договор со Филаделфија вреден 193 милиони долари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
