Наполи забележа уште едно гостување кај врвните италијански тимови без пораз откако во дербито на 12. коло на Серија А ремизираше во домот на Интер со 1-1. Со тоа неаполитанците ја продолжија серијата на натпревари со освоени бодови и по гостувањата кај Милан и Јувентус.
Во успехот на Наполи не верувал никој освен самите фудбалери, изјави по средбата Џовани Ди Лоренцо.
„Никој не очекуваше дека можеме во оваа фаза да избиеме на врвот на табелата, но ние верувавме и поради тоа сме многу среќни. Оваа позиција на табелата ни е само дополнителна мотивација да продолжиме да работиме напорно.
Мило ми е што ја завршивме оваа серија на тешки натпревар пред сите останати. Се поправивме во поглед на зрелост бидејќи по тешкиот пораз дома успеавме да најдеме сила, да се дигнеме и сега на ова најтешко гостување да стигнеме до бодови. Непоразени сме по најтешките гостувања кај Милан, Јувентус и Интер. Тоа е знак за силен тим, а не сме ни на половина од сезоната. Мисалм дека можеме уште подобро“, порача Ди Лорнецо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
