Анхел Ди Марија ова лето ја завршува својата етапа во Пари Сен Жермен, офанзивецот со почетокот на наредниот месец станува слободен играч и треба да донесе важна одлука за клупската иднина.
Аргентинецот има 34 години и не се гледа премногу во Европа, па неговата цел е да потпише краткорочен едногодишен до двегодишен одговор по што би се вратил во татковината за да ја заврши кариерата.
Ди Марија сака да повлече потег кој ќе биде корисен за него затоа што од истиот ќе зависи настапот во репреентацијата на Светското првенство во Катар. Екс играчот на Манчестер Јунајтед и Реал Мадрид е долгогодишен репрезентативец, но е свесен дека конкуренцијата е голема или поточно смета дека неговото минато нема да биде доволно само по себе за да влезе во списокот на селекторот Лионел Скалони.
„Единствениот кој веќе е на списокот е Лео Меси. Четири месеци од сега едноставно не знаете, морам да го сменам мојот клуб, повторно да се адаптирам, да играм и да се чувствувам добро и тоа прави многу разлика“, порача Анхел за ‘ТНТ Спортс’.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
