Веќе екс-ракометарот на Тимур Дибиров и официјално е претставен како ново засилување на ППД Загреб. Рускиот ас по девет години го напушти Вардар и со хрватскиот шампион потпиша договор на една сезона.
Дибиров за клупскиот сајт изјави дека е среќен што во иднина ќе носи дрес на клуб со богата историја и големи успеси.
„Многу сум среќен што доаѓам во Загреб, клуб со богата историја и клуб од чии редови произлегоа многу големи имиња на хрватскиот и европскиот ракомет. Очекувам големи работи во Загреб, знам дека ќе го дадам максимумот на секој тренинг и натпревар и мислам дека заедно можеме да постигнеме добри резултати. Среќен сум за овој нов предизвик“, изјави Дибиров.
По потписот со Вуко Борозан, Словенецот Аљаж Пањтар и Србинот Милан Милиќ, Дибиров е четвртото големо засилување на ППД Загреб за следната сезона во која повторно ќе игра во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
