Бразилецот со шпански пасош Диего Коста ги договори сите детали за преминот од Челси во Атлетико Мадрид кој официјално ќе биде реализиран во зимскиот преоден рок. Познато е дека тој доби СМС – порака од Антонио Конте со содржина дека веќе не му е потребен во Челси, и цело лето не тренираше со англискиот првак. Откако ги мина медицинските прегледи во Атлетико Мадрид, тој се согласи на четиригодишен договор до 2021 година, а неговата отштетна клаузула ќе изнесува 200 милиони евра.
Атлетико Мадрид реши да го задржи тренерот Диего Симеоне, а тој побара да останат столбовите на тимот и истиот дополнително да се засили за „јорганџиите“ да можат да бидат конкурентни на трите фронта. Саул и Коке потпишаа нови договори, истото треба да го сторат и голманот Јан Облак и Јаник Караско, а единствениот што најверојатно ќе замине е Антоан Гризман. Но, токму затоа е ангажиран Диего Коста, за да ја пополни празнината во навалната линија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
