Поранешниот холандски селектор, Дик Адвокат откако на почетокот од летово си замина од клупата на Спарта Ротердам си пронајде нов тренерски ангажман.
Не чекаше долго, па искусниот Адвокат е именуван за нов тренер на Утрехт. Како што и официјално информираше Утрехт веќе се е договорено со Адвокат кој треба да го врати духот во клубот по лошиот старт на сезоната.
На Адвокат во Утрехт ќе му помага српскиот тренер Жељко Петровиќ со кого соработуваше и во времето додека ја водеше репрезентацијата на Србија.
Во досегашната тренерска кариера Дик Адвокат, меѓу останатите, ги водеше Фенербахче, ПСВ, Сандерленд, Зенит како и репрезентациите на Холандија, Русија и Србија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
