Македонскиот кошаркар Ненад Димитријевиќ одигра нова квалитетна партија во победата на Хувентуд во 13. коло од шпанската АЦБ лига. Хувентуд славеше против Тенерифе со убедливи 84-64.
Димитријевиќ мина околу 15 минути на паркетот, притоа со запишани 8 поени и 100% реализација од зад линијата за три поени од каде имаше два коша од два обида. На осумте поени Димитријевиќ дополни и со две асистенции и еден скок.
Најефикасен во победата на Хувентуд беше Матијас со 14 поени, а 13 поени постигна Харангоди. Во поразениот тим се издвои Беиран со 12 поени, осум асистенции и четири скока.
Ова беше седма победа на Хувентуд сезонава, наспроти и шест порази, со која повторно се проби меѓу водечките осум екипи на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
